Målsettinga med psykisk helsearbeid i Sund kommune er å bidra til å fremje sjølvstende, tilhøyring og styrke evna til å meistre eige liv for menneske med psykiske lidingar. Menneske med psykiske lidingar skal oppleva brukarmedverknad i praksis, - gjennom "anerkjennande samhandling" skal det skapast arenaer for vekst og meistring.
Psykiatritenesta i Sund samarbeidar med blant anna fastlegar, Nav, Øyane DPS, psykologar, sjukehus i Helse Bergen, barneverntenesta, helseavdelinga, vaksenopplæring, omsorgstenesta og tiltak for funksjonshemma.
Det er fleire måter å ta kontakt til oss på. Nokre velger kontakt via fastlege, sjukehus eller Nav. Du kan og ta direkte kontakt til leiar i psykiatritenesta.
Personar som bur heime og har psykiske lidelser
Som hovudregel må du ha bustadsadresse i kommunen. Bustadslause har rett til nødvendig helsehjelp i den kommunen dei oppheld seg. Søknaden blir vurdert opp mot ditt behov for tenesta.